Мэҥэ Хаҥалас улууһун ыччатын түмсүүлэрэ, тиийиммэт-түгэммэт ыалларга уонна ытык кырдьаҕастарга бородуукта, эм-том атыылаһарга көмөлөһөллөр. Ону таһынан, харыстанар мааскалары тигэн биэрэллэр. Бу туһунан СИА иһитиннэрэр.
Ол курдук Нөөрүктээйи нэһилиэгэр 500-чэ маасканы тигэн кырдьаҕастарга уонна киһи олоҕун хааччыйар тэрилтэлэр үлэһиттэригэр түҥэппиттэр. Оттон Төхтүр нэһилиэгэр элбэх оҕолоох 16 ыалга, Тумулга 69 ытык кырдьаҕаска биэрбиттэр.
Майаҕа харыстанар мааскалары тигэр хас да түмсүү баар. Ол курдук бизнес-инкубатор резиденнэрэ, ательелар, эбии үөрэхтээһин киинэ, үһүс саас оскуолата о.д.а. тигэллэр. Волонтердар кырдьаҕастарга, бэйэлэрин хааччынар кыаҕа суох дьоҥҥо аһы-үөлү, эми-тому дьиэлэригэр илдьэн биэриигэ көхтөөхтүк үлэлииллэр.
