Войти

Войти

Мииринэйгэ хаарбах дьиэ үгүс. Куорат баһылыга К.Н.Антонов отчуоттаабытынан, 248 мас дьиэттэн 93 дьиэ хаарбах туруктааҕынан биллэр эбит. Ааспыт сылга элбэх кыбартыыралаах сэттэ мас дьиэ күрдьүлүннэ. Бу – аҕыйах. Хаарбах туруктаах дьиэлэртэн көһөрүү кэлэр сылларга эмиэ ыытыллыахтаах.

Бу хаартыскаларга көстөр мас дьиэлэр үгүстэрэ 50-с, 60-с сылларга тутуллубуттар.  Дьиэ пуондатын “Мииринэй куорат” муниципальнай тэриллиитэ быhаччы дьаhайар. Куораппытыгар үп-харчы татымынан сэдиптээн, тутуу нэс быhыылаахтык барар. Мииринэйгэ 200-тэн тахса киһи дьиэ ыларга уочаракка турар. Онон, 2017 сылтан ыла уочаракка турар дьоҥҥо анаан, мээрийэ куорат олохтоохторуттан (Вторичный рынок жилья) кыбартыыра атыылаhар буолла. Онно “хрущевкалар”, 60-с сыллардааҕы эргэ “блочнай” дьиэлэр киирсибэттэр. Дьиэлэр 80-с, 90-с сылларга тутуллубут бөдөҥ панеллаах (КПД) буоллахтарына эрэ барсаллар.

Биир сытыы боппуруоhунан чааhынай дьиэлэр оройуоннара буолар. Куораты иилиир Аллараа, Үөһээ бөһүөлэктэргэ, Заречнайга, Безымяннай («Кыра тайахтаах») үрэх оройуонугар самнархай туруктаах дьиэ дэлэй. Олор эмиэ куорат киинигэр, таас дьиэлэниэхтэрин баҕараллар. Өктөөп 40 сылын уонна Аммосов аатынан уулуссалар тиксиһиилэригэр, “Кинг-95” пиирмэ 71 кыбартыыралаах таас дьиэни тутар. Тутуу тэтимэ ортоһуор. Бу дьиэҕэ кыбартыыралар күлүүстэрин хаарбах туруктаах мас дьиэлэр олохтоохторо тутуохтара.

2025dierityrar 

by gielerikyrgellereyolgacta

 71rvdiebyiyltytllanbytyoge

Станислав Алексеев, Мииринэй куорат. Ааптар хаартыскалара.

Тарҕат:

Добавить комментарий

Бүтэһик сонуннар