Войти

Войти

Премьер-миниистир Михаил Мишустин бу сыл түмүктэниэр диэри, ОДьКХ төлөбүрүн уһатыыга ыстараап уонна пеня ааҕыллыытыгар мораторий киллэрдэ. Бу туһунан уураах РФ бырабыыталыстыбатын саайтыгар тахсыбыт.

ОДьКХ, хапытаалынай өрөмүөн төлөбүрдэрэ кэмигэр эбэтэр толору төлөммөтөх буоллаҕына ыстараап ааҕыллыбыт. Гааһы, уоту, ититиини уонна ууну хааччыйааччылар ыстараабы салайар хампаанньалартан ирдиэхтэрин сөп.

Михаил Мишустин коронавирус тарҕаныыта дьон олоҕор улахан охсуулаах буолла диэн эппитэ. Ону туоратыы бырабыыталыстыба биир сүрүн үлэтэ буоларын бэлиэтээбитэ. Ол курдук кыра дохуоттаах ыаллар олорор дьиэҕэ, коммунальнай өҥөҕө субсидия ылар болдьохторо уһаан биэрдэ. Онон эбии докумуона суох алтынньы 1 күнүгэр диэри ылар кыахтаннылар.

Дойду үрдүнэн бүтэһик көрдөрүүнэн  “COVID-19” инфекциянан 6343 киһи ыалдьыбыт, олортон 406 киһи үтүөрбүт, 47 киһи өлбүт.

news.ykt.ru/

Тарҕат:

Добавить комментарий