Ыам ыйын 9 күнүгэр – Кыайыы параадыгар бэтэрээннэр кытталлара, кинилэр доруобуйаларыгар кутталы үөскэтэр диэн Кремльгэ эттилэр. Онон параад хайдах быһыылаахтык ыытыллара өссө да быһаарылла илик.
Билигин параады хайдах ыытар туһунан араас барыйааннары көрөллөр. Хоруона-вируһа тарҕаммыт кэмигэр ытык саастаах бэтэрээннэр параакка кытталлара, кинилэр доруобуйаларыгар кутталлаах буолла. Бу туһунан дойду бэрэсидьиэнин пресс-сэкирэтээрэ Дмитрий Песков иһитиннэрэр.
“Билигин араас барыйааннары көрөбүт, ол туһунан кэпсиир эрдэ. Тоҕо диэтэххэ, түмүктүүр быһаарыныыга тиийэ иликпит. Ыам ыйын 9 күнүгэр бэтэрээннэр кытталлара тоҕооһо суоҕунан ааҕабыт. Тоҕо диэтэххэ, саастаах дьон доруобуйатыгар кутталы үөскэтэр”, – диэн Дмитрий Песков эттэ.
Бэрэсидьиэн администрацията бырабыыталыстыбаҕа Улуу Кыайыы бырааһынньыгар 65-тэн үөһээ саастаах дьону, ол иһигэр Аҕа дойду сэриитин кыттыылаахтарын кытыннарартан туттуналларыгар иһитиннэрбитэ.
Этиллибитин курдук Кыайыы параадын ыытыы хас да барыйаанын көрөллөр. Олортон икки сүрүнэ: көрөөччүтэ суох ыытыы эбэтэр балаҕан ыйыгар көһөрүү буолар.
