Харантыын кэмигэр – муус устар 4-30 күнүгэр диэри үлэлиир дьон хамнаһа уруккутун курдук оннунан хаалар. Бу туһунан Роструд иһитиннэрэр.
“Харантыын күннэрэ өрөбүллэргэ эбэтэр бырааһынньыктааҕы өрөбүл күннэргэ киирбэт. Бу күннэргэ үлэлиир дьон хамнаһа уларыйбат, оннунан хаалар”, – диэн биэдэмистибэҕэ бэлиэтииллэр.
Хамнаһы төлөөһүн бириинсибэ уларыйбат. Ол аата үлэһит акылаат ылар буоллаҕына, ыйдааҕы хамнаһа уларыйбат. Оттон толоруунан (сдельнай) хамнастанар дьоҥҥо төлөнөр, ону үлэ биэрээччи нуормаламмыт аактатыттан тутулуктаах.
Үлэ уонна социальнай харысхал министиэристибэтэ эрдэ быһаарбытын курдук, хамнас диэн акылаат, компенсационнай эбии уонна стимулирующай төлөбүр буолар. “Харантыын кэмигэр үлэһиттэр үлэ дуогабарынан көрүллэр хамнаһы эрэ ылаллар”, – диэн биэдэмистибэҕэ бэлиэтииллэр.
Ону таһынан, үлэ биэрээччи хамнаһы үрдэтэрин суоҕун бэйэтэ быһаарар.
