Войти

Войти

2019 сыл иккис аҥаарыттан урукку сопхуос оннугар “Новый” ХЭТ диэн тэрилтэ үлэлиир. Мииринэйдээҕи үүт собуотун дириэктэрэ Т.Шарован салайааччынан анаммыта. Ити курдук, “Новайы” СӨ тыатын хаһаайыстыбатын министиэристибэтин дьаһалынан, “Туймаада” агро-холдинг бэйэтигэр ылбыта.

2019 сыл сэтинньититтэн 2020 сыл тохсунньутугар диэри үүт собуота, үс маҕаһыын: “Мэҥкэр”, “Туой Хайа”, “Катунь”, “Юбилейнай” АЭК лааппыта сабыллан турбуттара. Онтон 2020 сыл хаамыытын сэргэ, тэрээһин үлэлэригэр эмиэ кэккэ уларыйыылар киирбиттэрэ. Ол курдук урукку “Новай” сопхуос Сүлдьүкээрдээҕи салаата, саха сүөһүтүн геннай боруодатын иитэр “Скот Якутии” тэрилтэ самалык учаастагынан буолбута. Соторутааҕыта киин улуустартан Сүлдьүкээргэ сүүсчэкэ сүөһүнү тиэйэн аҕалбыттара. Ол гынан баран, онно аналлаах хотон сөбө суох. Урут 200 субай сүөһү уонна торбостор турбут хотонноро эргэрэн, өрөмүөнү ирдиир. Саҥа хотон тутуохпут диэн эрэннэрэллэр. Хааччыллыыта мөлтөх, үлэһит тиийбэт. Оттуур сирдэрэ олус ыраахтар. Саамай чугаһа Күөллээх үрэҕэ, икки аҥаар көс ыраах сытар. Үрэхтэртэн от тиэйэр суол куһаҕан. Тус бэйэм оттообут сирдэрим буолан, туох кыһалҕа баарын син билэбин. Сопхуостан уотурба тиэйэргэ эмиэ ыраах – 125 көс. Онон Сүлдьүкээрдэр иннилэригэр сүрдээх уустук боппуруос турар.

xahxontyorata

Салгыы Арыылаах сэлиэнньэтигэр эргиллиэххэ. Манна бүтүн Саха сирин арҕааҥҥы түөлбэтин сымыытынан, куурусса этинэн хааччыйар, 60-ча тыһ кууруссалаах көтөр баабырыкатын “Сахаплемобъединение” тэрилтэ састаабыгар киллэрдилэр. Онон урукку сопхуос ООО “Туймаада” агрохолдинг, “Сахаплемобъединение”, “Скот Якутии” диэн тэрилтэлэртэн быһаччы тутулуктаах. Оттон бу күннэргэ “Юбилейнай” атыы-эргиэн киинигэр, ахсыс павильоҥҥа баар “Новай” сүрүн лааппытыгар туох баар эбитий? Үүт ас: чөчөгөй, сүөгэй, ряженка, йогурт, сибиэһэй сымыыт, куурусса этэ дэлэйдэр. Сыаналара уларыйбатах. Холобур, лиитирэ үүт – 99 солк, 500 гр сүөгэй – 175 солк, чөчөгөй – 185 солк, ряженка - 140 солк. Онно эбиитин Нерюнгри бойлер-кууруссатын этэ, быара, Чурапчы арыыта, Мииринэйдээҕи үүт собуотун бородууксуйата атыыланаллар. Куурусса сымыыта – 6 солк. Бу бородууксуйалар Чернышевскайга, Светлэйгэ, Ленскэйгэ, Айхалга, Удачнайга, тиэллэ тураллар. Сунтаарга айанныыр суол сабылынна.

yytcobyota

Сүрдээх дьалхааннаах кэмнэр үүннүлэр. Бэйэ бородууксуйатын киэҥник батарыы, хааччыныы, маннык кэмҥэ ордук тоҕоостоох дии саныыбын. Дьыала арыый да ама буолуоҕун, Мииринэй оройуона Дьокуускайтан тыа улуустарыттан тэйиччи сытара мэһэйдиир. Аны туран федеральнай суолга хаайтарыы, поруом эрэйин, о.т.д. ааҕан сиппэккин. Ол эрэн, эрэл кыыма син баар. Арыылаах сэлиэнньэтигэр уонна Сүлдьүкээргэ баар хаһаайыстыбалар атахтарыгар туралларыгар, Мииринэй оройуонун дьаһалтатыттан уонна Өрөспүүбүлүкэттэн оруннаах өйөбүл ыллахтарына сатанар.

 

 Станислав Алексеев, Мииринэй куората. Ааптар хаартыскалара.

 

 

Тарҕат:

Добавить комментарий

Бүтэһик сонуннар