Сарсыарда 11 чаастааҕы үгэс буолбут брифиҥҥэ, Ил Дархан коронавирус тула балаһыанньаны билиһиннэрдэ.
— Билиҥҥитэ инфекционнай стационардарга 10 киһи эмтэнэ сытар: 5 – Алдаҥҥа, 3 – Дьокуускайга, 2 – Ленскэйгэ. Ленскэйгэ бастаан булуллубут киһи кэргэнэ ыалдьыбыта бигэргэннэ, кини олохтоох балыыһаҕа киирдэ. Сорох ыарыһахтар туруктарыгар кэккэ ыарахаттар бааллар.Күн бүгүн 2 барыллаан “положительнай” диэн анаалыс көһүннэ: Горнай улууһугар уонна Дьокуускайга. Анаалыстарын бу киэһэ дылы чопчу бигэргэтиэхтэрэ. Горнайга барыллаан ыалдьыбыт киһи Санкт Петербург куораттан эмтэнэн кэлбит уонна бэйэтэ изоляцияҕа сыппыт. Дьокуускайга булуллубут киһи аймахтара Москубаттан үөрэнэн кэлбит, онтон сыстыбыт буолуон сөп. Билигин бу ыарыһахтар алтыспыт дьонун булан анаалыстыырга үлэ ыытыллар. Дьиэттэн тахсымаҥ, мээнэ быгыалаамаҥ диэн өссө төгүл сэрэтэбин. Балаһыанньаны уустугурдубат наадатыгар бары сэрэҕи туһанаргытыгар өссө төгүл туһаайан этэбин. Алдан олохтоохторо толору харантыын эрэсиимин олох кэһимэҥ! Алдаҥҥа карантин кэмигэр экстреннэй сулууспалар уонна Росгвардия тиийдэ.
