Войти

Войти

Муус устар 11 күнүгэр Уус Алдан улууһун Бороҕонугар, инфекцияны суох оҥорор камераны туруордулар. Бу туһунан  “Инстаграм” социальнай ситимҥэ иһитиннэрэллэр.

Билиҥҥи кэмҥэ наадалаах тэрил улуустааҕы сайдыы пуондата уонна урбаанньыттар көмөлөрүнэн ылыллыбыт. Бу туһунан оройуоннааҕы киин балыыһа сүрүн бырааһа Анна Саввична Петрова маннык кэпсиир: “Суол сабыллыан иннинэ күүтүүлээх камерабытын ыллыбыт. Балыыһа иһинээҕи инфекцияттан саҕалаан тастан киирэр инфекцияны суох оҥорорго аналлаах камера буолар. Манна матараастары, суорҕаннары, мэдэссиинэ үлэһиттэрин таҥаһын  дезинфекциялыахха сөп. Маннык тэрилбит хоруона-вируһа тарҕаныан иннинэ алдьанан хаалбыта. Инньэ гынан, суһал штаб боротокуолунан, улуус дьаһалтатын үбүлээһининэн уонна урбаанньыттар көмөлөрүнэн сүрдээх ыарахан сыаналаах тэрили ыллыбыт. Балыыһа кэллэктиибин аатыттан улахан махталбытын тиэрдэбит. Ону таһынан, улуус олохтоохторугар   туһаайан этиэхпин баҕарабын, мэдэссиинэ үлэһиттэригэр күүс-көмө буолаҥҥыт барыыны-кэлиини тохтотон, дьиэҕитигэр олороргутугар көрдөһөбүн”.

Тарҕат:

Добавить комментарий

Бүтэһик сонуннар