“Полярные авиалинии” авиахампаанньа айанньыттары Өлүөнэни туоратар сырыытын тохтотто. Бу туһунан хампаанньа пресс-сулууспата иһитиннэрэр.
“Маҕан-Аллараа Бэстээх”, “Аллараа Бэстээх – Маҕан” маршрутунан сырыы муус устар 20-30 күннэригэр тохтуур. Маннык быһарыныы коронавирус тарҕаныытын бохсор дьаһаллары кытары сибээстээх.
Санатар буоллахха, Өлүөнэ уонна Алдан өрүстэргэ салгын сыттыктаах суудуналар сырыылара эмиэ бобуллубута.