Коронавирус инфекцията тарҕаныытын бохсор сыаллаах эбии обсерватордары Дьокуускайга, Мииринэйгэ уонна Нерюнгрига арыйыахтара. Бу туһунан зампред Ольга Балабкина телеграм-канаалыгар иһитиннэрэр.
“Хас күн ахсын кэлэр-барар дьону кыраҕатык кэтээн көрүүбүт туһаны аҕалар. Ыарыһахтары кэмигэр булан эмтиибит, алтыспыт дьонун араартыыбыт. Инньэ гынан вирус тарҕаныытын тохтотобут”, - диир Ольга Балабкина. Атын эрэгийиэнтэн кэлбит дьон дьиэлээхтэрин сутуйбаллара улааппытынан, аны обсерватордарга уган карантиннатыахтара.
