Войти

Войти

Аармыйа кэккэтиттэн ытык иэстэрин төлөөн кэлбит уолаттары бэйэ изоляциятыгар эбэтэр обсерватордарга угуохтара. Маннык дьаһал коронавирус тарҕаныытын бохсор миэрэлэринэн ылылынна. Бу туһунан вице-премьер Ольга Балабкина иһитинэрдэ.

“Дембеллэр хантан сылдьалларын, төрөппүттэрэ кимнээҕин быһаарбыппыт. Кинилэр хайаан да каратины тутуһуохтаахтар: төрөппүттэрэ усулуобуйа тэрийэр буоллахтарына изоляцияланаллар эбэтэр обсерваторга сытыахтаахтар. Дембеллэр онто да суох хааччахха сылдьыбыттарын бары өйдүүбүт, ол гынан баран, сыстыганнаах ыарыы тарҕамматын туһуттан бары санитарнай-эпидемиологическэй ирдэбиллэри тутуһуохтаахпыт”— диэтэ Ольга Балабкина.

Бу саас ытык иэстэрин төлөөн өрөспүүбүлкэҕэ 1200-тэн тахса саллаат эргиллэн кэлиэхтээх.

Тарҕат:

Добавить комментарий