Войти

Войти

Москубаҕа хоруона вирустан биир күн иһигэр 37 киһи өлбүт. Бу туһунан Москубатааҕы доруобуйа харыстабылын департамена суһал штабка сигэнэн иһитиннэрэр. Уопсайа 325 киһи суорума суолламмыт.

Суһал штаб көрдөрүүтүнэн, 37-тэн 86-гар диэри саастаах дьон өлбүттэр. Кинилэр бары атеросклероз, бронхит, сахарнай диабет курдук ыарыылаахтар эбит. Балартан саамай эдэрдэригэр “двусторонняя полисегментарная пневмония” диэн диагноһы туруорбуттар. Кини эмиэ гипертониялааҕа биллибит. Ону таһынан Даун синдромнаах дьахтар өлбүт. Өссө биир бу курдук ыарыылаах дьахтар муус устар 13 күнүгэр суорума суолламмыт.

Муус устар 23 күнүнээҕи көрдөрүүнэн, дойду үрдүнэн уопсайа 62,7 тыһ киһи ыалдьыбыт. Олортон 4891 киһи үтүөрбүт. Вирус дойду бары эрэгийиэннэригэр тарҕаммыт. Москуба кэнниттэн саамай элбэх ыалдьыбыт киһилээҕинэн Подмосковье буолар. Манна 7278 киһи ыалдьыбыт, 56 киһи өлбүт. Онтон Санкт-Петербург куоракка 2458 киһи ыалдьыбыт, 17 киһи өлбүт. Нижегородскай уобаласка 1002 киһи ыалдьыбыт, сэттэ киһи өлбүт. Оттон атын эрэгийиэннэргэ – тыһыынчаны кыайбат.

Москубаҕа уонна Подмосковьеҕа хоруона вируһа салгыы тарҕамматын туһугар, муус устар 15 күнүгэр боруоппус эрэсиимин киллэрбиттэр. Муус устар 22 күнүттэн   айанныыр дьон  ханнык тыраанспарынан баралларын  эрдэ биллэриэхтээхтэр. Сибээс министиэристибэтэ иһитиннэрбитинэн, боруоппус эрэсиимин 21 эрэгийиэҥҥэ киллэрэр былааннаахтар. Көҥүлү QR-код быһыытынан биэриэхтэрэ.

news.ykt.ru/

Тарҕат:

Добавить комментарий