Билиҥҥитэ түөрт ыарыһах бигэргэммит. Онтон үһэ бүгүн биллибитэ.
Аан бастакы ыарыһах Нерюнгрига Москубаттан көтөн кэлбитэ, ыарыыта чэпчэкитик ааһар. Кинини кытары алтыспыт 22 киһи анаалыһа ыарыы баарын көрдөрбөтөҕө. Билигин кинилэри быраастар кэтээн көрөллөр. Бу сарсыарда үс киһи ыалдьыбыта биллибитэ: икки киһи Москуба-Нерюнгри пуойас проводнига, биирэ – ыалдьыбыт проводник уола. 65 алтыспыт дьону булбуттар, кинилэри медиктэр кэтииллэр. Билигин инфекционнай балыыһаҕа түөрт бигэргэммит ыарыһахтан ураты, кинилэрдиин чугас алтыспыт үс киһи сытар, анаалыстарын Дьокуускайга ыыппыттар.
Түөрт обсерватор баар, онтон үһүгэр сыталлар. Уопсайа 270 куойкалаах, билигин 68 киһи сытар.
