Өрөспүүбүлүкэҕэ “COVID-19” диэн хоруона вируһун саҥа инфекцията тарҕаныаҕыттан түөрт киһи суорума суолланна. Саха сирэ өлбүт дьон ахсаанынан Уһук Илиҥҥи федеральнай уокурукка (УИФУо) үһүс миэстэҕэ сылдьар. Бурятияҕа эмиэ түөрт киһи өлбүт.
Уһук Илиҥҥи федеральнай уокурукка хоруона вируһун балаһыанньатын үөрэтэр киин көрдөрүүтүнэн, Приморскай кыраайга саамай элбэх, 8 киһи өлбүт. Хабаровскай кыраайга – 7, онтон Амурскай уобаласка биир киһи өлбүт.
Забайкальскай кыраайга, Сахалинскай уобаласка, Камчатскай кыраайга, Чукотскай АО уонна Еврейскай АО киһи өлүүтэ суох.
Ыам ыйын 6 күнүнээҕи көрдөрүүнэн, 82 эрэгийиэҥҥэ 10 559 киһи ыалдьыбыт. Уопсайа, дойду үрдүнэн 85 эрэгийиэҥҥэ 165 929 киһи ыалдьыбыта бэлиэтэммит. Олортон 1 537 киһи өлбүт.
Аан дойду үрдүнэн билиҥҥи туругунан киһи өлүүтүн ахсаанынан Арассыыйа 19-с миэтэҕэ сылдьар. “Эриэйтиҥи” АХШ баһылыыр, онтон Великобритания уонна Италия кэлэллэр.
