“Бириэмэҕитин харыстыыбыт, доруобуйаҕытыгар кыһаллабыт”

Итинник девизтээх “Минньигэс миин” номнуо балтараа сыл ситиһиилээхтик үлэлээтэ.

Күн бүгүн урбаанньыт Емельяновтар “Минньигэс мииннэрэ” норуот биһирэбилин ылан, биллэр бренд буолла. Бу тэрилтэ ураты минньигэс амтаннаах, сонун аһа-үөлэ Дьокуускай 150 маҕаһыыныгар хамаҕатык атыыланар. Ону сэргэ өрөспүүбүлүкэ 10 улууһун маҕаһыыннарын долбуурдарыттан эмиэ булан амсайыахха сөп.

“Минньигэс миин” нэһилиэнньэни аҥаардас удамыр сыаналаах, хаачыстыбалаах натуральнай аһынан-үөлүнэн эрэ хааччыйар тэрилтэ буолбатах, бу – улахан социальнай эппиэтинэстээх тэрилтэ. Аныгы уустук экэнэмиичэскэй усулуобуйаҕа, үлэтэ суохтар күн-түүн элбии турар кэмнэригэр, 20 саха ыалын үлэнэн хааччыйан турар.

Ону сэргэ тэрилтэ мэлдьи амарах санаа аахсыйаларыгар көхтөөхтүк кыттар. Холобур, былырыын “Модун” спорт киинигэр “Эмбл оонньуулара” диэн хомуур күрэх тэрийбитэ. Онно өрөспүүбүлүкэ араас улуустарыттан 120 кыттааччы кэлэн куубук хомуйуутугар илин-кэлин түһүспүтэ. Ол түмүгэр кыайыылаах супер бирииһинэн – матасыыкылынан наҕараадаламмыта.

Билигин “Минньигэс миин” брендэ “Саха сиригэр оҥоһуллубут” диэн бырайыакка киирдэ. Ону тэҥэ үгүс быыстапкаларга ситиһиилээхтик кыттар. Былырыын ыам ыйын 25 күнүгэр “Биисинэс бэстибээлэ-2017” үгүс киһи сэҥээриитин ылбыта. Бэл диэтэр, урбаан миниистирэ А.А. Сафронов тэрилтэ сыаҕар кэлэн ыалдьыттаабыта, аһы-үөлү биһирии, хайҕыы көрбүтэ. Онон билиҥҥитэ тэрилтэ аата-суола бырабыыталыстыба таһымыгар үчүгэйдик билиннэ. Инньэ гынан Емельяновтар инникитин өрөспүүбүлүкэ салалтатын өттүттэн күүстээх өйөбүл баар буолуоҕа диэн улахан эрэх-турах санаалаах түбүгүрэ сылдьаллар.

Бу саха ыалын сонун уопута бүтүн Арассыыйа устун тарҕанар чинчилээх. Холобур, бүгүҥҥүтэ Бурятия, Башкирия, о.д.а. соҕуруу уонна Сибиир урбаанньыттара кэлэн уопут атастаһан, тэрилтэ үлэтин-хамнаһын кытта билсэн, бэйэлэрин эрэгийиэннэригэр маннык оҥорон таһаарыыны үтүктэр баҕалаах бараллар.

Тэрилтэ саҥа чыпчаалга тахсарыгар, киэҥ билиниини ыларыгар бэриниилээх үлэһиттэр өҥөлөрө улахан. Соннук Екатерина Ананьевна Спиридонова, Изабелла Михайловна Емельянова бренд сайдыытыгар кылааттара тугунан да сыаналаммат дьоһун диэн, түгэнинэн туһанан, бэлиэтиэххэ наада.

“Минньигэс миин” хайдах саҕаламмытай? 2016 сыллаахха Емельяновтар аҕаларыгар Владимир Петровичка: “Тоҕо кытай эбэтэр кэриэй түргэн лапсатын сиибитий, тоҕо бэйэ киэнэ кыаллыбатый?” – диэн санаа киирбит. Ол кэннэ дьиэлээхтэр бары түмсэн түргэн миин ырысыабын толкуйдаабыттар. Хаста да боруоба кэннэ биир сөптөөх ырысыап көстүбүт. Ону бары амсайан көрбүттэр, сөбүлээбиттэр. Онтон хаартыскаҕа түһэрэн бассаабынан ыыппыттар. Сарсыныгар “саха доширага оҥоһуллубут үһү” диэн сурах тарҕаммытын туһунан билэн уһуктубуттар. Дьон кыра кыралаан сакаас биэрэн барбыт. Онон бастаан 50 устууканы атыылаабыттар, оттон сүүһү, салгыы икки сүүһү... Итинник сыыйа кээмэйин улаатыннаран ДСКҕа турар бэйэлэрин “ЕМЕЯН” маҕаһыыннарыгар атыыга таһаарбыттар. Аҕыйах кэминэн ДСК эрэ олохтоохторо буолбакка, “Минньигэс миин” туһунан бүтүн өрөспүүбүлүкэ билбит. Бэл, урбаанньыттары Ил Түмэҥҥэ төгүрүк остуолга ыҥыран ылан кэпсэппиттэр, НКИХ сонуннарыгар көрдөрбүттэр.

“Минньигэс миин” – дьиэ кэргэн биисинэһэ. Манна Емельяновтар бэйэлэрэ, уоллара Ян Владимирович кэргэнинээн Анна Евгеньевналыын, о.д.а. үлэлии сылдьаллар.

Инникитин урбаанньыттар Уулаах Ааҥҥа 10 гаа иэннээх бааһыналарыгар оҕуруот аһын үүннэрэр, сүөһү, сибиинньэ ииттэр былааннаахтар. Өскөтүн күн бүгүн сырьеҕа чугастааҕы пиэрмэрдэри кытта үлэлэһэр буоллахтарына, инникитин бэйэ оҕуруотун, пиэрмэтин натуральнай аһынан-үөлүнэн эрэ астыыр буолуохтара.

Тэрилтэ биир сонун өҥөтүнэн Дьокуускайга аһы-үөлү дьиэҕит ааныгар диэри тиэрдэн биэрии буолар. Бу өҥөнөн биэнсийэлээхтэр ордук туһаналлар эбит. Аны устудьуоннаах ыалларга бу эмиэ туспа туһа. Хайа баҕарар соҕуруу куоракка оҕолоргутугар кэһии гынан ыытыаххытын сөп.

Онон “Минньигэс миини” тото-хана аһааҥ, доруобай буолуҥ!

“Минньигэс миин” көрүҥнэрэ

Кууһунан атыыланар аадырыһа: Дьокуускай к., Автодорожнай уул., 53/1, “Емеян” атыы-эргиэн киинэ.

Сыах аадырыһа: Сэргэлээх шоссета, 5 км., 30А дьиэ.

Төл.: 8914-274-83-45 (Владимир Петрович), 8924-868-75-75 (Екатерина Ананьевна).  

Реклама