Войти

Войти

Мииринэйдээҕи балыыһата уонна Роспотребнадзор салаата, бу дьаҥ тарҕанар кутталын утары охсуһууну эрдэттэн саҕалаабыттара. Билиҥҥитэ балаһыанньаны тутан олороллор. Эмчиттэр санаалара бөҕөх.

Сүүһүнэн баахта үлэһитэ, гастарбайтер, соҕурууттан араас биричиинэнэн кэлээччи элбэх оройуонугар, бу дьаҥ куттала улаханын билинэр оруннаах. Маны учуоттаан Мииринэй балыыһатын (МЦРБ) стационарыгар, Сovid-19 дьаҥын эмтиир госпиталь кэмигэр тэриллибитэ. 50 куойкалаах. Мантан 15 миэстэлээх кэҥэс хоһу, реанимация салаатыгар анаабыттара. Саха сиригэр суостаах дьаҥ саҥа сириэдийэн эрдэҕинэ, Мииринэй балыыһатын стационарыттан, бары салаалар оҕо балыыһатыгар түүн суһаллык көһөрүллүбүттэрэ. Бүгүҥҥү туругунан, Мииринэй балыыһатыгар 6 киһи хоруона вируһуттан эмтэнэр. Урут аҕалыллыбыт Чайыҥда баахтатын (Газпром) 4 үлэһитигэр биир кэллиэгэлэрэ холбосто. Онон, биэс буоллулар. Мииринэйгэ Чайыҥда баахтатын ыалдьыбыт 4 үлэһитэ кэлээттэрин кытта, кинилэри госпиталь “кыһыл зонатыгар” эбэтэр саамай кутталлаах ыарыһахтар сытар сирдэригэр киллэрбиттэрэ. Билигин Мииринэй балыыһатыгар Арассыыйатааҕы “Генериум” пиирмэҕэ соторутааҕыта оҥоһуллубут тестиир систиэмэлээхтэр. Хаттаан анаалыс ылыы түмүгэр, Чайыҥдаттан кэлбит икки үлэһит ойоҕостоппуттара уонна хоруона вируһунан ыараханнык ыалдьыбыттара биллибитэ. Билигин кинилэр олохторун иһин охсуһуу барар. Аан бастакынан киирбит хоруона вирус ыарыылаах, Подмосковьеттан кэлбит эдэр киһи госпиталь иккис салаатыгар (Үтүөрэр чинчилээх ыарыһахтар блоктара) көһөрүлүннэ. Суруллубукка эбэн эттэххэ, Мииринэй оройуонун обсерватордарыгар сытааччы ахсаана 200 киһиэхэ тиийдэ. Чуолаан, Мииринэй куоратыгар соҕурууттан субу кэлбит дьон, «Горняк» профилакторийыгар (Тиихэнэп уулуссата), наркология балыыһатыгар (Чернышевскай шоссета), МПТИ уопсайыгар (Московскай уулуссата) бааллар. Кинилэр 14 күн устата ханна да быкпакка харантыыҥҥа олоруохтаахтар. Бу дьону олохтоох полиция хонтуруоллуур. Олус элбэх дьон үөһэнэн Мииринэйгэ кэлэ тураллар. Москубаттан, Санкт-Петербуртан, Новосибирскайтан кэлиини кылгас да кэмҥэ боппотулар. Чайыҥда ньиэп-гаас конденсаттаах сириттэн, ыалдьыбыт дьону эбии аҕалыахтарын да сөп. Онон доҕоттор, бука диэн, бэйэҕитин харыстаныҥ. Улахан соруга суох уулуссаҕа, дьон тоҕуоруһар сирдэригэр сылдьымаҥ.  

gornykk

gornyk

 baluuy

Станислав Алексеев, Мииринэй куората.

 

Ааптар хаартыскалара.  

 

Тарҕат:

Добавить комментарий