Войти

Войти

Дьокуускай куоракка, Жатайга, Аллараа Бэстээххэ, Тиксиигэ, Нерюнгрига, Мииринэйгэ, Ленскэйгэ, ону сэргэ Покровскайга “самоизоляция” эрэсиимэ бу дьыл ыам ыйын 31 күнүгэр диэри салҕанар. Бу туһунан Ил Дархан Айсен Николаев иһитиннэрдэ.

Ити гынан баран, килийиэннэри кытта быһаччы алтыспат ательелар, химчисткалар, атах таҥаһын өрөмүөннээччилэр үлэлииллэрэ көҥүллэнэр. Ону таһынан таһырдьа, салгыннаах сиргэ биирдиилээн успуордунан дьарыктанааччылар эрчиллэр кыахтаахтар.
Арктика улуустарыгар, уустук суоллаах-иистээх, ыарыы тиийбэтэх сирдэригэр, хамсык хааччаҕа олоччу тохтотуллар. Арай ити сирдэргэ ыытыллар тэрээһиннэргэ 50-тан элбэҕэ суох дьон мустара көҥүллэнэр диэн эбии быһаарыылаах.
Тыа сирин муниципальнай тэриллиилэригэр атыы-тутуу тэрилтэлэрэ уонна парикмахерскайдар аһыллыахтара. Маныаха өрөспүүбүлүкэ үрдүнэн, куһаҕан суоллаах -иистээх оройуоннартан уратыларга бары атыы тэрилтэлэригэр, бытовой өҥө оҥоһуллар тэрилтэлэрин үлэһиттэрэ бука бары булгуччу мааскалаах буолаллара ирдэнэр. Социальнай дистанция тутуһуллуохтаах, үлэлиир дьиэ хайаан дезинфекцияланыахтаах.
Ыам ыйын 12 күнүттэн Алдаҥҥа харантыын тохтуур. Ол гынан баран Алдан куоракка, улуус үрдүнэн курдук, “самоизоляция” эрэсиимэ олохтонор.

Тарҕат:

Добавить комментарий