2002 сылтан Мииринэйтэн Хабаровскай куоракка диэри авиарейсэ үс төгүл тохтуу сырытта.
Бастаан, 2006 сыллаахха дьон аанньа көппөт, ороскуотун төрүт толуйбат диэн саппыттара. 2015 сыллаахха «Якутия» авиа-хампаанньа «Мииринэй-Хабаровскай» федеральнай субсидиялаах авиарейсэни хаттаан аһан үөрүүбүт үлүскэн этэ. Ол курдук, 5 000 солк көтөр буоламмыт, сүрдээх чэпчэки сыаналаах айаннаммыппыт. «Суперджет» сөмөлүөт баара-суоҕа үс чаас иһигэр Хабаровскай аэропуордугар тириэрдэрэ. Нэдиэлэҕэ сөмөлүөт икки төгүл көтөрө. Ону дьон сырыыта олус аҕыйах диэн, бииргэ диэри кыччаппыттара.
2019 сыл от ыйыттан, 2020 сыл тохсунньутугар диэри Хабаровскайдыыр 452-с авиарейсэ көппөтөҕө. Ону тохсунньу 8 күнүттэн сөргүтэн, кулун тутар ый ортотугар диэри, субсидиялаах авиарейсэ оҥорон нэдиэлэҕэ биирдэ көтүтэн испиттэрэ. Кулун тутар 25 күнүгэр «Мииринэй-Хабаровскай» авиарейсэ бүтэһик сырыытын оҥорбута. Авиатордар “Онон айан, сырыы бүтэр” диэбиттэрэ. Бадаҕа, тиэтэйбиттэр. Бүгүҥҥүттэн, ол эбэтэр ыам ыйын 11 күнүттэн Мииринэйтэн Хабаровскайдыыр авиарейсэ үһүс төгүлүн сөргүтүллэр. “R3542” авиарейсэ хас бэнидиэнньик аайы күнүс үс чаас сүүрбэ мүнүүтэҕэ көтүөҕэ. Авиабилет сыаната чэпчээбитэ – 8.235 солк, муҥутаабыта – 23.000 солк.
Станислав Алексеев. Мииринэй куората.
