Войти

Войти

Амма улууһун хаһаайыстыбаларыгар 4 саҥа тиэхиньикэни тиэртилэр. Бу туһунан улуус дьаһлтатын пресс-сулууспата иһитиннэрэр.

Ол курдук, саҥа водовоһу “Бөтүҥ” тэрилтэ кэлэктиибигэр, молоковоһу – “Амма” СППК, оттон “Болугур” ТХПК, “Соморсун” СПК – биирдии тыраахтыры биэрдилэр. Сыл устата улуус тыа хаһаайыстыбатынан дьарыктанар тэрилтэлэригэр 28 бырысыап кэлэрэ күүтүллэр. Аммаҕа тыа хаһаайыстыбатын тиэхиньикэтин элбэтии улуустааҕы тус сыаллаах “Сүөһү аһын бэлэмнээһини сайыннарыы” хос бырагыраама чэрчитинэн ыытыллар. Сыл ахсын улуус дьаһалтата бэйэтин бүддьүөтүттэн тыа хаһаайыстыбатын сайыннарыыга туһуламмыт баар сударыстыбаннай бырагыраамаларга эбии харчы көрөн тыырар. Үөһэ ыйыллыбыт хос бырагыраама иитинэн, улууска уопсайа 140 км тахса күрүө тутуллубут, 6 сиилэс дьаамата хаһыллыбыт (300 туонна сиилэһи бэлэмниэххэ сөп), 1,3 тыһ. га быраҕыллыбыт бааһына сөргүтүллүбүт, 45 тиэхиньикэ атыылаһыллыбыт. Бырагырааманы олоххо киллэриигэ анаан 3 сылга 25 мөл.солк. тахса үп көрүллүбүт.

Тарҕат:

Добавить комментарий