Войти

Войти

Ил Дархан Айсен Николаев үгэс буолбут сарсыардааҥҥы коронавирус тула брифинигэр эпидемиологическэй балаһыанньаны билиһиннэрдэ.

— Суукка иһигэр эбии 46 киһи коронавирустаабыта бигэргэннэ, 30 киһи үтүөрэн таҕыста. 27 ыарыһах – Дьокуукайга, 1-дии – Алдаҥҥа, Хаҥаласка уонна Ленскэйгэ. Уопсайа 147 киһи толору үтүөрэн таҕыста. 43 саҥа ыарыһаҕы Дьокуускайга буллулар. Биир ыарыһах — Мииринэйгэ (Чайыҥда вахтовига) уонна 1 киһи Алдаҥҥа ыалдьыбыт.  Бу дьон урут ыалдьыбыт дьону кытары алтыспыттар. Билигин мааска эрэсиимин хайаан да күүскэ тутуһуохпутун наада. Маҕаһыыннарга, бытовой өҥөнү оҥорор сирдэргэ эҥин сылдьан атыыһыттар мааската, бэрчээккитэ суох, дезинфекцияны ыыппат буоллахтарына тустаах уорганнарга биллэриэх тустааххыт. Санитарнай-эпидемиологическэй нуормалары тутуспаттан ыарыы элбии турар. Холобур, Харах балыыһатыгар, ХИФУ устудьуоннар уопсайдарыгар, кырдьаҕастар чааһынай пансионаттарыгар ыарыы күүскэ тарҕаныыта ону бигэргэтэр. Билигин өрөспүүбүлүкэҕэ 10 киһи ыарахан туруктаах сытар. Онтон 8-һа – кырдьаҕастар чааһынай пансионаттарын олохтоохторо. Дьолго, билиҥҥи туругунан ким даҕаны ИВЛ аппараатыгар холбоно илик, быраастар кинилэр олохторун туһугар күүскэ туруулаһаллар. Уопсайа бу кэмҥэ Саха сиригэр 652 киһи ыалдьыбыта бигэргэннэ.

Тарҕат:

Добавить комментарий

Бүтэһик сонуннар