Войти

Войти

Дойду бэрэсидьиэнэ Владимир Путин билиҥҥи уустук балаһыанньанан оҕолоох дьиэ кэргэни өйүүр сыалтан, харчынан көмө оҥоһулларын туһунан иһитиннэрбитэ. Ол курдук, 3-тэн 15 диэри саастаах хас биирдии оҕоҕо 10 тыһ солк төлөнөрүн туһунан эппитэ.

Биирдэ бэриллэр төлөбүр   бу сыл  от ыйын 1 күнүгэр диэри 3 саастарын туолбут уонна 16 саастарын туола илик оҕолорго бэриллиэхтээх. Манна үгүс өйдөммөт түгэннэр бааллар. Ол курдук, “Gosuslugi.ru” саайка 2004 сыл ыам ыйын 11 күнүттэн 2017 сыл бэс ыйын 30 күнүгэр диэри төрөөбүт оҕолор ылаллар диэн суруйаллар. Оттон РФ үлэҕэ, социальнай сайдыыга министиэристибэтэ, бу сыл от ыйын 1 күнүгэр диэри 3 саастарын туолбут уонна 16 саастарын туола илик оҕолорго бэриллэр диэн быһаарар. Ол аата бэс ыйын 30 күнүгэр 16-рын туолбут оҕолор көмө харчыттан матар курдук буолан тахсаллар.  

Бу туһунан социальнай ситимҥэ төрөппүттэр хом санааларын маннык суруйаллар: “Ыам ыйыгар эбэтэр бэс ыйыгар 16 саастарын  туолбут оҕолор ылбаттар дуо? 16, 17 саастаах төрөппүттэригэр иитиллэн олорор оҕолорго тоҕо бэриллибэтий? Эбэтэр сокуоннай саастарын туола илик оҕолор бэйэлэрин ииттинэр кыахтаахтар диэн саныыллар дуу. Бачча көмөлөһө сорунан баран, кими да арыылаан-сыалаан хаалларбакка, 18-гар диэри саастаах оҕолорго барыларыгар биэриэхтэрин”.

Тарҕат:

Добавить комментарий

Бүтэһик сонуннар