Өрөспүүбүлүкэ үрдүнэн 687 киһи “Covid-19” ыалдьыбыта бэлиэтэммит. Бу туһунан суһал ыстаап иһитиннэрэр.
Суһал ыстаап көрдөрүүтүнэн, ааспыт сууккаҕа 35 киһи ыалдьыбыт. Олортон 33 киһи Дьокуускайга уонна Намҥа, Алдан куоракка биирдии киһи ыалдьыбыттар. Лабораториялар 2778 тиэһи оҥорбуттар. Обсерватордарга 570 киһи сытар. Уопсайа, 175 киһи үтүөрбүт, 4 киһи өлбүт.
Дьокуускайдааҕы “Искорка” уһуйаан иитиллээччитэ ыалдьыбыт туһунан суруйбуппут. Медиктэр кэпсииллэринэн, оҕо ыам ыйынааҕы бырааһынньыктар кэннилэриттэн уһуйааҥҥа сылдьыбатах. Төрөппүттэрэ ыам ыйын 12 күнүгэр суһал көмөнү ыҥырбыттар. Билигин уһуйаан оҕолоро уонна үлэһиттэр дьиэлэригэр “самоизоляцияҕа” олороллор. Кинилэри быраастар кэтээн көрөллөр.
Ыарыы кэмигэр бу уһуйааҥҥа медиктэр, быраабы харыстыыр уорганнар о.д.а. хоруона вируһун утары үлэлиир үлэһиттэр оҕолоро сылдьыбыттара. Уопсайа 4 бөлөххө 74 оҕо сылдьыбыт.
