Войти

Войти

Саха сиригэр суукка устата 43 саҥа коронавирустаабыт киһи бигэргэннэ, 34 киһи үтүөрбүт, 1 киһи өлбүт. 
 
Үөһээ Бүлүү улууһугар коронавирус аан бастакытын бэлиэтэннэ. Дьокуускайга 40 киһи ыарыйда, Нам уонна Сунтаар улуустарыгар биирдии ыарыһах бигэргэннэ. Кинилэр балыыһаҕа эмтэнэллэр, алтыспыт дьонун булан бэрэбиэркэлииллэр.
 
34 ыарыһах эмтэнии кэннэ толору үтүөрэн таҕыста. Дьокуускайга - 16, Сунтаарга- 9, Нерюнгрига - 3, Алдаҥҥа - 2, Мэҥэ Хаҥаласка - 1,Бүлүүгэ - 1, Ленскэйгэ - 1 ыарыһах үтүөрдэ. Уопсайа  бу кэм устата 265 киһи үтүөрдэ. 
 
Бэҕэһээ Covid-19 диагнозтаах 67 саастаах дьахтар куорат балыыһатыгар өллө. Кини инсульт кэннэ, эбиитин саахар диабеттаах этэ.
Уопсайа бу кэмҥэ өрөспүүбүлүкэҕэ - 828 киһи ыарыйда. 265 киһи үтүөрдэ, 5 киһи өллө.
Билигин Дьокуускайга 8 киһи ыарахан туруктаах сытар, 1 киһи ИВЛ аппараатыгар холбоммут. 143 ыарыһах туох да биллэр симптома суох аһарынар, кинилэр таһыттан эмтэнэллэр.

Суукка устата 1509 тест оҥоһулунна, обсерватордарга 539 киһи сытар.

Тарҕат:

Добавить комментарий