Бэс ыйын 1-10 күннэригэр сыл иккис аҥаарыгар почта бары салааларыгар чэпчэтиилээх сурутуу саҕаланыаҕа.
Сахалыы Бикипиэдьийэ бас дьаһабыла, быраас, урбаанньыт, лингвист, уопсастыбанньык Николай Павлов – Халан сахалыы тылллаах таһаарыылары өйөөн, төрөөбүт Хоротун балыыһатыгар (Үөһээ Бүлүү улууһа) “Чолбон” сурунаалы уонна “Кыым” хаһыаты сурутан бэлэх уунна уонна ыҥырыы таһаарда:
— Куорат сахаларыгар туһаайабын. Саха сирин балыыһаларыгар сахалыы хаһыаттары уонна сурунааллары сурутуҥ диэн ыҥырыы таһаарабын.
Инньэ гынан, бииринэн, ыарыһахтары уонна быраастары өйүүбүт, иккиһинэн - сахалыы суруналыыстыка өлбөт үөстэнэригэр олук уурабыт.
Туох да уустуга суох, Манна https://podpiska.pochta.ru/regional киирэҕин, талаҕын уонна карточканнан төлүүгүн. Электроннай почтаҕар чек кэлэр. Ону бухгалтерияҕа да туттарыахха сөп, тэрилтэлээх буоллаххына.
Халан үтүө аахсыйатыгар кыттыс, сахалыы саҥабыт сатарыырын, тылбыт-өспүт тыыннаах хааларын туһугар кылааккын киллэр!
Сэҥээриилэр