Войти

Войти

Ил Дархан Айсен Николаев ыам ыйын 18 күнүгэр сарсыарда 11 ч. өрөспүүбүлүкэҕэ эпидемиологическэй туругу билиһиннэрдэ.

— Коронавирус тула балаһыанньа өссө да ыарахан. Суукка устата 41 саҥа ыарыһах бигэргэннэ, ол иһигэр Дьокуускай куоракка 33, Алдаҥҥа – 2, Мииринэйгэ – 3. Саастаах дьон ыалдьа тураллара улаханнык дьиксиннэрэр. Нам улууһугар бырааһынньыктар кэннилэриттэн 85 саастаах дьахтар ыалдьыбыт. Эмиэ Нам улууһун кырыы. кыракый нэһилиэгэр ыарыы бэлиэтэннэ. Кэккэ улуустарга баар баахта бөһүөлэктэригэр саҥаттан-саҥа ыарыы булулла турар, онон бу хайысхаҕа хонтуруол күүһүрүөн наада. Маны таһынан, ыарыы кыракый нэһилиэктэргэ эмиэ тиийдэ. ХИФУга уонна Харах балыыһатыгар балаһыанньа оннун булуох курдук, саҥа ыарыһахтар бигэргэммэттэр. Өрөбүллэргэ 43 киһи толору үтүөрэн таҕыста. 156 ыарыһах туох да биллэр симптома суох аһарынар, онон тастан эмтэнэ сыталлар. Билигин 5 киһи ыарахан туруктаах сытар. Ыарыы салгыы күөдьүйбэтин инниттэн үлэни биэрээччилэр эппиэтинэһи сүгэллэр. Халаан туһунан эттэххэ, балаһыанньа үчүгэй. Туох да улаханнык долгутар кыһалҕаны көрбөппүт.

Уопсайа бу кэм устата 869 ыарыһах бигэргэннэ, 274 киһи үтүөрбүт, 5 киһи өлбүт. 

Тарҕат:

Добавить комментарий

Бүтэһик сонуннар