Суукка устата 45 саҥа ыалдьыбыт киһи бигэргэннэ. Дьокуускайга - 34, атыттар улуустарга. Ордук Нам улууһа дьиксиннэрэр.
Алдаҥҥа – 3, Өймөкөөҥҥө – 3, Намҥа – 4, Хаҥаласка – 1 киһи ыарыйда. Уопсайа бэҕэһээ 31 ыарыһах: Дьокуускайга – 28, Алдаҥҥа – 2 уонна биир киһи Ленскэйгэ үтүөрэн тахсыбыттар. 82 саастаах Хатас дьахтара өллө. Кини ыам ыйын 13 күнүттэн ыарахан туруктаах сыппыт. Билигин 6 киһи – Дьокуускайга, 2 киһи – Мииринэйгэ ыарахан туруктаах сыталлар. Киин куоракка 172 киһи туох да симптома суох аһарынар, кинилэр тастан эмтэнэллэр. Суукка устата Саха сирин лабораториялара 3057 тесты оҥордулар, обсерватордарга 699 киһи сытар.
Бу күҥҥэ уопсай хартыына маннык: хоруона хамсыгынан ыалдьыбыт дьон – 914, үтүөрбүт дьон – 305, өлбүттэр – 6.
