Ыам ыйын 20 күнүттэн Сунтаар улууһун баахта бөһүөлэгэр харантыын уһуллар. Бу туһунан өрөспүүбүлүкэтээҕи суһал ыстаап иһитиннэрэр.
Санатар буоллахха, муус устар 23 күнүгэр Кутана нэһилиэгэр баахта бөһүөлэгин, “ВостСибСпецМонтаж” ХЭУ 20 тахса үлэһитэ хоруона хамсыгынан ыалдьаннар харантыын биллэриллибитэ.
Суһал ыстаап иһитиннэрбитинэн, билигин бөһүөлэккэ балаһыанньа тупсубут. Оройуоннааҕы киин балыыһа инфекционнай салаатыгар биэс киһи сытар.
