Войти

Войти

Номнуо үгэскэ кубулуйбут бүгүҥҥү брифиҥҥэ Ил Дархан Айсен Николаев, хоруона хамсыгын уонна халаан уутун балаһыанньатын туһунан иһитиннэрдэ.

Балаһыанньабыт бигэ туруктаах. Суукка устата өрөспүүбүлүкэ үрдүнэн 46 киһи ыарыйда. Олортон 43 киһи – Дьокуускайга. Ол курдук, Халтурина уулуссаҕа турар обсерваторга санитарнай-эпидемиологическай ирдэбиллэри кэһии түмүгэр дьон хаптардылар. Билигин манна үлэһиттэри уларытыы уонна дезинфекция үлэтэ ыыталлар”, — диэн Ил Дархан эттэ.  

Дьокуускайга хааччахтааһын миэрэлэрин устар балаһыанньа буолбатах. Төттөрүтүн куорат баһылыга уонна сүрүн санитарнай быраас сорох миэрэлэри кытаатыннарар туһунан этиилэрин  киллэрдилэр диэн эттэ.  

Суукка иһигэр өрөспүүбүлүкэ үрдүнэн  4 тыһ курдук тест оҥоһуллубут. Билигин да уон киһи ыарахан туруктаах сыталлар. Олортон аҕыс киһи – Дьокуускайга, икки киһи – Мииринэйгэ. Саха сиригэр хоруона хамсыгынан ыалдьыбыт дьон ахсаана 960  киһи буолбут. 367 киһи үтүөрбүт, алта киһи өлбүт.

Оттон сааскы халаан уутун туһунан маннык эттэ:   "Өлүөнэ, Алдан, Бүлүү өрүстэргэ муус этэҥҥэ ааста, манна нэһилиэнньэлээх пууннарга куттал суох. Сүрүн болҕомто Халыма өрүскэ ууруллар, манна муус Орто Халымаҕа чугаһаабыт. Муус харыыта тахсар түгэнигэр эстэрии үлэтэ ыытыллыаҕа".

Тарҕат:

Добавить комментарий

Бүтэһик сонуннар