Таатта улууһугар аан бастакытын 2 киһи ыалдьыбыт түбэлтэтэ бэлиэтэннэ.
Дьокуускайга 30 киһи ыалдьыбыт, Мииринэйгэ – 3, Хаҥаласка – 1, Мэҥэ Хаҥаласка – 1. Ыарыһахтары балыыһаҕа угаллар, алтыспыт дьонун булан изоляцияҕа ыыталлар. 43 киһи эмтэнэн, толору үтүөрэн тахсыбыт: 35 – Дьокуускайа, 4 – Мииринэйгэ, 3 – Нерюнгрига, 1 – Алдаҥҥа. Уопсайа өрөспүүбүлүкэҕэ 410 ыарыһах үтүөрдэ. Хоруона хамсыгынан ыалдьыбыт киһи ахсаана 997-ҕэ тиийдэ. Хамсык кэмигэр 6 киһи өллө. Дьокуускайга 10 ыарыһах ыарахан туруктаах сытар, ол иһигэр биир киһи ИВЛ аппараатыгар холбоммут. Мииринэйгэ биир киһи эмиэ ыарахан туруктаах.194 киһи туох да биллэр симптома суох аһарынар, кинилэр таһыттан эмтэнэллэр. Суукка устата өрөспүүбүлүкэ лабораториялара 4027 анаалыһы оҥордулар. Обсерватордарга 649 киһи сытар.
