Ситии-хотуу аттестатын бары үөрэнээччилэр ылыахтара. Быйыл СКЭ-ни үрдүк үөрэххэ туттарсааччылар эрэ туттарыахтара. Ону таһынан, быйыл үрдүк үөрэххэ туттарсааччылары аармыйаҕа ыҥырбаттар диэн дойду бэрэсидьиэнэ Владимир Путин иһитиннэрдэ.
Бэс ыйыгар СКЭ-ни кыайан туттарбакка хаалбыт оҕолор эбии атырдьах ыйыгар эксээмэн күнүн болдьоон тутуохха, маны таһынан сыл устата туттарар кыаҕы биэриэххэ диэн эттэ. Быйыл оскуоланы бүтэрбит 60 % босхо үрдүк үөрэххэ киирэрин хааччыйыахха, онуоха бүддьүөт миэстэтин үксэтиэххэ наада диэн бэлиэтээтэ.
Быһа барыллаан, ыарыы өрө турбат түгэнигэр, ЕГЭ (КСЭ) ыытыы кыраапыга маннык буолуон сөп :
Бэс ыйын 29 к. — география, литэрэтиирэ, информатика
От ыйын 2 уонна 3 кк. — нуучча тыла
От ыйын 6 к. — профильнай матымаатыка
От ыйын 9 к. — история, физика
От ыйын 13 к. — обществознание, химия
От ыйын 16 к. — биология, омук тыла (суругунан)
От ыйын 18 уонна 20 кк. — омук тыла ( тылынан).
Үрдүк үөрэххэ туттарсыбат түгэҥҥэ, КСЭ туттарымыахха сөп диэн этэллэр. Ол да түгэҥҥэ оскуоланы бүтэрээччигэ барытыгар орто оскуола бырагырааматын түмүгүнэн, ситии -хотуу аттестата бэриллиэхтээх диэн буолла.
Оскуола кэнниттэн быйыл аармыйаҕа ыҥырыллааччылары тохторго быһаарбыттар. Бу туһунан Владимир Путин биллэрдэ. Онон сүгэ түһүөр диэри дүлүҥ сынньанар дииллэринии, балай эмэ төрөппүт көхсө кэҥииһи.