Бүгүн, ыам ыйын 25 күнүгэр өрөспүүбүлүкэ оскуолаларыгар тиһэх чуораан лыҥкынаата.
Быйыл Саха сирин оскуолаларын 7948 выпускник бүтэрэр, оттон тохсус кылааһы 12 тыһ. тахса үөрэнээччи бүтэрдэ. Тиһэх чуораанынан Ил Дархан Айсен Николаев онлайн эрэсииминэн эҕэрдэлээтэ: “Быйыл хоруона хамсыгынан сибээстээн үгэс буолбут Тиһэх чуораан үгүстэргэ дистанционнай форманнан ыытыллар. Быйылгы үөрэх дьыла хаһааҥҥытааҕар да уратылаахтык түмүктэннэ, ону ол диэбэккэ, учууталлар, төрөппүттэр, үөрэнэччилэр тулуурдаахтык, кыһамньылаахтык түмүктээтилэр, кинилэргэ барҕа махталбын биллэрэбин. Эһиги сыралаах үлэҕит үтүө түмүктэрдээх буолуо диэн эрэнэбин”, - диэтэ.
