Войти

Войти

Саха сиригэр ааспыт суукка устатыгар саҥа 88 коронавирустаабыт киһи бигэргэннэ, 48 киһи толору үтүөрдэ.

Дьокуускайга эбии 67 саҥа ыарыһах бигэргэммит, Нам улууһугар – 9 киһи, Алдаҥҥа – 7, Мэҥэ Хаҥаласка – 3, Мииринэйгэ уонна Бүлүү улууһугар – 1-дии саҥа ыарыһах булуллубут. Ыарыһахтары балыыһаҕа симэллэр, кинилэр алтыспыт дьонун булан анаалыстыыллар, изоляцияҕа ыыталлар.

Бэҕэһээ 48 киһи толору үтүөрэн тахсыбыт. Ол курдук, Дьокуускайга – 41, Нерюнгрига – 4, Мииринэйгэ – 2 уонна Алдаҥҥа – 1. Инньэ гынан, уопсайа хамсык кэмигэр 594 киһи бу сысытганнаах, суостаах ыарыыттан үтүөрдэ.

Бу кэм устата Саха сиригэр уопсайа 1445 киһи коронавирустаабыта бигэргэннэ, 594 киһи үтүөрдэ, 7 киһи суорума суолланна.

Дьокуускайга 11 киһи ыарахан туруктаах сытар. 333 киһи туох да биллэр симптома суох, ыарыыны чэпэчкитик аһарынар. Кинилэр дьиэлэригэр ытан тастан эмтэнэллэр.

Суукка устата өрөспүүбүлүкэ лабораториялара 2251 ылыллыбыт анаалыһы бэрэбиэркэлээтилэр, обсерватордарга 753 киһи кэтээн көрүүгэ хааллан сытар.

Тарҕат:

Добавить комментарий

Бүтэһик сонуннар