Войти

Войти

Мииринэйгэ төһө да кэлии-барыы, баахта тиэстиитэ элбэҕин иһин, эмчиттэр уонна Роспотребнадзор дьаныардаах үлэлэрин түмүгэр, балаһыанньаны тутан олороллор.

Бүгүн балыыһа поликлиникатыгар хоруона хамсыга турбутунан сибээстээн, диспанцеризация уонна профилактическай мэдиссиинискэй көрүүлэр тохтоон тураллар. Балыыһаҕа үлэһиттэргэ анаан боруоппустар бэриллибиттэрэ. Бырааска көрдөрүнэргэр эрдэттэн er.14.ru портал нөҥүө суруттараххын наада. Хоруона хамсыгын туһунан этэр буоллахха, Мииринэй балыыһатын стационарыгар ковиднай салааҕа отукка тиийэ ыарыһах сытар. Сүүрбэччэ киһи хамсыкка ылларбыта чуолкайданар, тургутуллар, кинилэр провизорскай салааҕа сыталлар. 17 киһи ыалдьыбыта бигэргэннэ. Кинилэр “кыһыл” ковиднай салааҕа сыталлар. 3 киһи ыарахан туруктаахтар, реанимацияҕа сыталлар. Атын куораттарга холоотоххо, бөдөҥ промышленнай киин диэтэххэ, Мииринэй оройуона балаһыанньаны билиҥҥитэ тутан олорор. Онно Мииринэй эмчиттэрин, бэйэлэрин харыстаммат дьаныардаах үлэлэрин бэлиэтиэххэ наада.

 Станислав Алексеев. Мииринэй куората.

  

Тарҕат:

Добавить комментарий

Бүтэһик сонуннар