Войти

Войти

Быйыл сааһы быһа Сунтаар балыыһатыгар “РНГ-ВССМ” баахтатын 22 үлэһитэ эмтэннэ.

Соторутааҕыта бу балыыһаҕа сытан үтүөрбүт 14 киһи, Мииринэй балыыһатыгар кэтээн көрүүгэ көһөрүллүбүттэрэ. Оттон атыттартан сорох дьон туруктара үчүгэйинэн ааҕыллан, Кутана сэлиэнньэтин аттыгар баар “ВССМ” баахта бөһүөлэгэр төттөрү кэлбиттэрэ. Бу дьон үтүөрбүттэрин туһунан эмчиттэртэн ыспараапкалаах тахсыбыт буолуохтаахтар. Кутанаҕа кэлээт да үлэ үөһүгэр түстүлэр. Манна “ВССМ” иккис сылын Саһар үрэҕин күргэтин өрөмүөннүүр. Бэрт дьоҕус үрэх муостатын бүтэриэхчэ эбиттэр да, үлэ хаамыыта олус бытаан. Соторутааҕыта саҥа 19 киһилээх биригээдэни аҕаллылар. Олор эмиэ соҕуруу дойду дьоно. Баахта үлэһиттэрэ буоланнар, дойдуларыгар хаста эмэ төннөллөрө, төттөрү кэлэллэрэ чуолкай. Онон бу тэрилтэни кыра күргэ өрөмүөнүгэр кытыннараннар, Сунтаар улууһа быйыл саастан ыла сүрдээх кутталлаах быһыыга-майгыга киирдэ, дьон эрэйи көрдө. Бүлүү өрүскэ поруом да сүгүн сылдьыбат, маҕаһыыннар, чайнойдар, олох-дьаһах өҥөтүн оҥорооччулар, таксыылар үлэлэрэ хааччахтанар буолла, улахан ороскуокка киирдилэр. Мантан биир толкуй үөскүүр. Хаһан бэйэбит дьоммут, муҥ сатаатар кыра күргэлэри тутар буолаллар?

 Станислав Алексеев, Мииринэй куората.  

Тарҕат:

Добавить комментарий

Бүтэһик сонуннар