Арассыыйа Доруобуйа харыстабылын министиэристибэтэ саҥа коронавирус инфекциятын эмтииргэ туһаныллар “Авифавир” диэн эми бигэргэппит. Бу туһунан ТАСС суруйар.
Бу саҥа препараты “ХимРар” хампаанньа бөлөҕө уонна Арассыыйатааҕы көнө инвестиция пуонадата (РФПИ) кыттыһан оҥорбуттар. Бу эмп дойдуга “Фавипиравир” диэн Японияҕа 2014 сылтан ыла тумуу ыарахан форматын эмтииргэ туһаныллар эмпкэ олоҕуран оҥоһуллубут аан бастакы препаратынан буолар. Клиническэй чинчийии бастакы түһүмэҕэр бу саҥа эмп туоха да куттала, ханнык да ойоҕос эффегэ суоҕа дакаастаммыт. Бу эмп ыарыыны бохсорго 80% туһалааҕын бэлиэтииллэр. Бу эминэн номнуо 330 киһини эмтээбиттэр, минздрав ыам ыйын 21 күнүгэр бигэргэппит. Бу препарат коронавирус тарҕанар механизмнарын суох оҥорор көдьүүстээҕин бастакы чинчийиилэр көрдөрбүттэр.
