Войти

Войти

Айсен Николаев сарсыардааҥҥы брифинг кэмигэр өрөспүүбүлүкэҕэ эпидемиологическэй туругу билиһиннэрдэ.

-- Балаһыанньабыт биир таһымҥа турбутун курдук турар. Ааспыт суукка устатыгар Саха сиригэр саҥа 80 коронавирустаабыт киһи бигэргэннэ. Уопсайа хамсык кэмигэр 2611 киһи сутулунна. Дьокуускайга 69 киһи ыарыйда, Алдаҥҥа - 5, Мэҥэ Хаҥаласка – 4, Намҥа уонна Горнайга - биирдии ыарыһах билиннэ. Кэнники биэс суукка устатыгар киин куораппытыгар 70-нуу ыарыһах булуллар, онтон биллэ үрдээбэтэ үчүгэй. Биллэн турар, баҕарбыппыт курдук ыарыы намыраан испэт, ол эрээри кыралаан да буоллар балаһыанньаны намыратан иһэбит. Өрөбүллэргэ маҕаһыыннар сабылланнар, уопсастыбаннай тырааныспар сырыыта тохтоон, ыарыы тарҕаныытыгар дьайыаҕа. Дьон сылайбытын өйдүүбүн, ол эрээри син биир бары социальнай дистанцияны, маасканы, бэрчээккини умнуо суох тустаахпыт. Ааспыт суукка устатыгар 38 киһи үтүөрдэ: 24 ыарыһах - Дьокуускайга, 7 - Нам улууһугар, 4 - Мэҥэ Хаҥаласка, 2 - Үөһээ Бүлүүгэ, 1 ыарыһах Таатта улууһугар. Уопсайа бу хамсык кэмигэр 1285 киһи үтүөрдэ.

Хомойуох иһин, ааспыт суукка устатыгар биир 88 саастаах дьахтар суорума суолланна . Уопсайа ковидтан өлбүт киһи ахсаана 15 буолла. Кинилэр бары хроническэй ыарыылаах, 65 саастарын ааспыт дьон. Билигин 22 киһи ыарахан туруктаах сытар, 1 киһи ИВЛ аппараатыгар холбоммут.

Улуустары эттэххэ, билигин да балаһыанньа Нам улууһугар (10 нэһилиэккэ ыарыы бэлиэтэнэр), Мэҥэ Хаҥаласка уонна Алдаҥҥа уустук. Алдаҥҥа сүрүннээн бырамыысалыннаска үлэлиир вахтовиктар ыалдьаллар. Сотору кэминэн дьаҥ көрдүгэнин саба баттыахпыт диэн эрэнэбин.

Арассыыйаҕа ыарыы намтаан иһэр. Ити биллэн турар үөрдэр уонна эрэли саҕар. Биһиги дойду үрдүнэн ыстатыыстыкаҕа үчүгэйдэр ахсааннарыгар киирэбит, 12-с миэстэҕэ турабыт. Ыарыы тарҕаныытын коэффициена биһиэхэ - 0,8. Маннык коэффициент 5-с күнүн бэлиэтэнэр. Салгыы маннык буоллаҕына, ыарыыбыт намтаатаҕына, бэс ыйын 14 күнүттэн сорох хааччахтааһыннары устуохпут. Онон кытаатыҥ, тулуйуҥ, бары ирдэбиллэри тутуһуҥ.

Тарҕат:

Добавить комментарий

Бүтэһик сонуннар