Войти

Войти

Айсен Николаев сарсыардааҥҥы брифинг кэмигэр өрөспүүбүлүкэҕэ эпидемиологическэй туругу билиһиннэрдэ.

-- Ааспыт суукка устатыгар Саха сиригэр саҥа 75 коронавирустаабыт киһи бигэргэннэ. Уопсайа хамсык кэмигэр 2686 киһи сутулунна. Дьокуускайга 66 киһи ыарыйда,  Мэҥэ Хаҥаласка - 3, Алдаҥҥа. Намҥа - 2, Аммаҕа уонна Ленскэйгэ - биирдии ыарыһах бигэргэннэ.. Ааспыт суукка устатыгар хаһааҥҥытааҕар да элбэх киһи үтүөрдэ – 126 ыарыһах. Дьокуускайга ордук элбэх киһи үтүөрэн таҕыста - 107, 5 киһи - Алдаҥҥа, 4 - Ленскэйгэ, Намҥа, Мииринэйгэ - 3 уонна биирдии ыарыһах Нерюнгрига, Чурапчыга уона Мэҥэҕэ үтүөрбүт. Инньэ гынан, уопсайа бу хамсык кэмигэр 1411 киһи үтүөрдэ.

Кэнники күннэргэ биһиэхэ балаһыанньа бигэ: ыарыы тарҕаныытын коэффициенэ – 0,8 турар. Дьокуускайга – 0,9-1,0. Роспотребнадзор сымнатыыны биллэрэргэ 1-тэн намыһах коэффициени ирдиир. Өскөтүн бу кэм устатыгар ити көрдөрүүбүтүн тутан хааллахпытына, сымнатыы басакы түһүмэҕэр тахсыахпытын сөп. Онно чугаһаан эрэбит. Онон олохтоохтор бары эппиэтинэстээхтик сыһыаннаһыахпытын наада.

Доруобуйа харыстабылын министиэристибэтэ иһитиннэрэринэн, билигин оҕолор ортолоругар бу ыарыы күүскэ тарҕанан эрэр. Ыарыһах сүүрбэ бырыһыана – оҕолор. Онон бука диэн оҕолоргутун харыстыы сылдьыҥ.

Билигин 13 киһи ыарахан туруктаах сытар, 3 киһи ИВЛ аппараатыгар холбоммут. Икки киһи хомойуох иһин суорума суолламмыт, иккиэн 65 саастарын ааспыт, хас да хроническэй ыарыылаахтар.

Тарҕат:

Добавить комментарий

Бүтэһик сонуннар