ХИФУ учуонайдара оҥоһуу (искусственнай) быар киэбин ыларга үлэлэһэ сылдьаллар. Бу туһунан университет пресс-сулууспата иһитиннэрэр.
Быар иммортализованнай килиэккэтин Н.И. Вавилов аатынан уопсай генетика институттан былырыын ылбыттар. Ону ХИФУ учуонайдара чинчийэ сылдьан, үөһү таһаарар функция ойоҕос чинчитин быһаарбыттар. “Ити чинчи биһиги оҥоһуу быары айарбытыгар улахан кыаҕы биэрэр. Билиҥҥитэ аһарар мембрана конструкциялардаах сүүрэр систиэмэни тиэстии сылдьабыт”, – диэн регенеративнай мэдэссиинэ уонна килиэккэ технологиятын лабораториятын сэбиэдиссэйэ Иван Троев кэпсиир. Бу күһүҥҥэ дылы номнуо үлэлиир лабораторнай оҥоһуу быар холобурун ылыахтаахтар эбит. Ол кэннэ, оҥоһуу быары кыылларга тургутан көрүөхтэрэ.
