Ил Дархан уонна бырабыыталыстыба дьаһалтатын пресс-сулууспата иһитиннэрэринэн, бэс ыйын 9 күнүнээҕи туругунан, өрөспүүбүлүкэҕэ үлэтэ суохтар учуоттарыгар 22 201 киһи турбут.
Бырабыыталыстыба бэрэссэдээтэлин бастакы солбуйааччытын э.т. Кирилл Бычков этэринэн, үлэтэ суохтар ахсааннара улаатыыта туох да үлэ дуогабара суох, кэмбиэргэ хамнаһы ылар үлэһиттэр босхоломмуттарыттан тахсыбыт. Кини этэринэн, учуокка судургутук туруорар буолбуттарыттан уонна үлэтэ суохтарга босуобуйа бэриллэр буолан элбэх киһи турбут.
Саха сиригэр тохсунньу 1 күнүттэн бэс ыйын 9 күнүгэр дылы уопсайа 4601 киһи үлэни булбут. Нэһилиэнньэ дьарыктаах буолуутун киннэригэр 9218 аһаҕас вакансия баар, ити үлэтэ суох ахсаанынааҕар 2,4 төгүл кыра. Быйыл 4871 оҕону сайыҥҥы кэмҥэ үлэлэтээри гыналлар, 378 үлэтэ уонна дьарыга суохтарга бэйэ дьыалатын арыналларыгар көмөлөһөр былааннаахтар.
