Войти

Войти

Былырыын алмаастаах хампаанньаттан таһаарыллыбыт «Новай» ХЭТ (Арыылаах сэлиэнньэтэ) билигин «Туймаада» агрохолдинг, “Сахаплемобъединение” самалыктарын быhыытынан үлэлии олорор.

«Новайы» 2019 сылтан ылата Татьяна Борисовна Шарова салайар. Кини өр сылларга Мииринэйдээҕи үүт собуотугар дириэктэрдээбитинэн биллэр.Хаһаайыстыба билигин 60000 кууруссалаах. Сылга ортотунан 10 мөл. устуука сымыыты оҥорон таһаараллар. Куурусса баабырыкатын кэннэ, үлэ атын сүрүн хайысхата – сүөhү иитиитэ. Манна 1400 ынах сүөhү, 300-тэн тахса сылгы баар.

Noviy

Билигин ынах сүөһү Арыылаахтан арҕаа, Былдьыры сайылыгын ходуһаларыгар мэччийэн, үрүҥ илгэни үрүлүтэргэ саамай тоҕоостоох кэм. Иккис сайылык, Оччугуй Ботуобуйа уҥуор, Нэлээт үрэҕин баһыгар баар.

Хаһаайыстыба сылга 1500 туонна үүтү оҥорон таhаарар.

produk

Арыылаахха – «Мэҥкэр», Мииринэй куоракка үс фирмэннэй маҕаһыын – «Туой-Хайа», «Юбилейнай», «Катунь» сарсыарда 11 чаастан ааннара аһаҕас.

Хаhаайыстыба бородууксуйата – сылгы, куурусса эттэрэ, сымыыт, эриллибит эт, полуфабрикаттар, 3,2- 3,5 бырыhыаннаах пастеризацияламмыт бакыаттаах үүт, ыаммытынан үүттэн сүөгэй, чөчөгөй, суорат Мииринэй оройуонун атыытын туочукаларыгар хамаҕатык бараллар.

Былырыыҥҥыттан ылата фирмэннэй маҕаһыыннарга Нерюнгритааҕы көтөр баабырыкатын бройлер-кууруссалара атыыланар буоллулар.

Хоруона хамсыгынан сибээстээн, «Новай» ХЭТ бородууксуйата аадырыска диэри тириэрдэн биэрии ньыматын туһанар. Мииринэй куоратыгар тыһыынчаҕа, Арыылаахха 500 солк. диэри бородуукта атыылаһар буоллаххына ааҥҥар диэри босхо аҕалаллар.

novyi trak

Бэс ыйын саҥатыгар «Новай» ХЭТ ыһыы үлэтин хорунуулаахтык ыытта. Ол курдук, чугастааҕы бааһынаҕа сенажка аналлаах үүнээйилэр ыһылыннылар.Сотору дороххой уонна сүмэлээх аhылык бэлэмнээhинин үлэлэригэр турунуохтара.

Станислав Алексеев, Мииринэй куората. Ааптар хаартыскалара.

Тарҕат:

Добавить комментарий