Войти

Войти

Бэс ыйын 14 күнүнээҕи туругунан, Ньурба улууһугар хоруона хамсыгар ылларбыт киһи ахсаана 16-ҕа тиийдэ. Бу туһунан улуус баһылыга Алексей Иннокентьев олохтоохторго туһаайыытыгар кэпсээбит.

Ньурбатааҕы киин балыыһа инфекционнай салаатыгар 12 киһи эмтэнэ сытар, олортон үс киһи туруга – “орто ыар туруктаах” диэн. Обсерваторга 12 алтыспыт киһи сытар, улууска уопсайа 59 ыарыһахтары кытары алтыспыт киһи баар, олортон үгүстэрэ – улуустааҕы балыыһа тымыр уонна оҕо отделенияларын үлэһиттэрэ уонна ыарыһахтара.

Улууска ыарыһах ахсаана эмискэ эбиллибитинэн, улуус баһылыга Ил Дархаҥҥа уонна оперативнай штабка бэс ыйын 16 күнүттэн Ньурба куоратыгар уонна Октябрьскай нэһилиэгэр (Антоновка) толору бэйэ изоляциятын эрэсиимин биллэрэргэ этии киллэрэр санаалаах.

Улууска билигин атыы-эргиэн кииннэрин үлэлэрэ хааччахтаммыт, олохтоохторго бэс ыйын 21 күнүгэр дылы онно-манна айанныылларын туттунарга сүбэлииллэр.

Тарҕат:

Добавить комментарий

Бүтэһик сонуннар