Бэс ыйын 24 күнүгэр Дьокуускайга Кыайыы параада ыытыллыахтааҕа.
Ол эрээри, хоруона хамсыгыттан сылтаан параад буолбат буолла. Бу туһунан ТАСС информационнай ааҕыныстыбатыгар Ил Дархан уонна бырабыыталыстыба дьаһалтатын салайааччы Афанасий Владимиров иһитиннэрбит.
“Эпидемиологическэй балаһыанньаннан, өрөспүүбүлүкэҕэ бэйэ изоляциятын эрэсиимэ бэс ыйын 21 күнүгэр дылы уһатыллыбыта. Инньэ гынан, Дьокуускайга Кыайыы параада ыытыллыбат”, - диэбит тойон Владимиров.
