Войти

Войти

М.К. Аммосов аатынан Хотугулуу Илиҥҥи федеральнай университет 6 устудьуона федеральнай университеттар олимпиадаларыгар кыайыылааҕынан ааттаммыттар. Бу туһунан университет пресс-сулууспата иһитиннэрэр.

ХИФУ алта устудьуона “Прикладная математика и информатика”, “Юриспруденция”, “Педагогическое образование”, “Экономика” хайысхаларынан кыайыылаах дьупулуомун ылбыттар. Бу кыайыылара устудьуоннар магистратураҕа киирэллэригэр төһүү буолуоҕа.

Юрфак устудьуона Иван Кононов этэринэн, кини бу олимпиадаҕа кытаанах бэлэмнэнии түмүгэр кыайбыт. Иван салгыы үөрэммит кыһатыгар магистратураҕа киирэр санаалаах, онуоха кыайыылаах дьупулуома быһа туттарсарыгар кыаҕы биэрэр.

Бу олимпиада уопсайа 65 хайысханнан 8 федеральнай университеттар икки ардыларыгар ыытыллыбыт. ХИФУ сорох устудьуоннара тыаҕа барбыт буолан, тэхэньиичэскэй киритиэрийдэргэ кыайан хапсыбакка кыттыбакка хаалбыттар диэн университет иһитиннэрэр.

Тарҕат:

Добавить комментарий

Бүтэһик сонуннар