Суол оҥоруутугар уонна тутууга тиийбэт каадырдары олохтоох үлэһиттэринэн солбуйуохтара. Бу туһунан Ил Дархан Айсен Николаев Өлүөнэтээҕи кулууп пленарнай мунньаҕын кэмигэр эттэ.
Хоруона хамсыгынан сибээстээн, быйыл тастан кэлэр оробуочайдар кэлиилэрэ хааччахтаммытынан, өрөспүүбүлкэ суолларын тутууга уонна тутуу эйгэтигэр оробуочай идэлээхтэргэ каадыр дэпэссиитэ буолбут. “Мин олохтоох нэһилиэнньэни маассабайдык өрөспүүбүлкэ профтехучилищеларыгар уонна орто анал үөрэхтэригэр үөрэттэрэн, бу эйгэҕэ куруук үлэлээх буолалларын курдук соругу туруордум”, - диэтэ Айсен Николаев.
