Войти

Войти

Саха сиригэр ааспыт суукка устатыгар эбии 99 киһи коронавирустаабыта билиннэ, 108 киһи үтүөрдэ, биир киһи суорума суолланна. Бу туһунан өрөспүүбүлүкэтээҕи хоруона хамсыгын бохсор оперативнай штаб иһитиннэрэр.

Ол курдук, Дьокуускайга 74 саҥа коронавируска сутуллубут киһи бигэргэннэ, Намҥа, Нерюнгри оройуонугар 5-ии киһи ыалдьыбыт, Мэҥэҕэ уонна Мииринэйгэ 4-түү киһи сутуллубут, Алдаҥҥа – 3, Горнай улууһугар – 2, Сунтаа уонна Таатта улуустарыгар биирдии киһи ыалдьыбытын булбуттар. Кинилэр бары эмтэнэллэр, алтыспыт дьонун кэтээн көрөллөр уонна изоляциялыыллар.

108 киһи толору үтүөрэн тахсыбыт, ол иһигэр киин куоракка – 79, 10 ыарыһах Мэҥэ Хаҥаласка, 5-тии ыарыһах – Намҥа уонна Мииринэйгэ, 4 ыарыһах Горнайга, иккилии пациент Ленскэй уонна Нерюнгри оройуоннарыгар, биир киһи Өймөкөөн улууһугар үтүөрбүттэр. Уопсайа хамсык кэмигэр өрөспүүбүлүкэҕэ 2197 киһи үтүөрдэ.

Дьокуускай куоракка биир коронавирус инфекциялаах киһи суорума суолламмыт. Билигин 26 киһи ыарахан туруктаах реанимацияҕа сытар, 5 киһи ИВЛ аппараатыгар холбоммут. Хамсык кэмигэр уопсайа 24 киһи өллө. Суукка устатыгар өрөспүүбүлүкэ лабораториялара 3374 анаалыһы оҥорбуттар.

Тарҕат:

Добавить комментарий

Бүтэһик сонуннар