ССТХА Учуонай сэбиэтэ кулун тутар 29 күнүгэр “Ойуур комплексын уонна сири олохтооһун факультета” (факультет лесного комплекса и землеустройства) диэн саҥа факультет арылларын туһунан бигэргэттэ.
Саҥа факультет "35.03.01 Лесное дело", "35.03.02 Технология лесозаготовительных и деревоперерабатывающих производств", "35.03.04 Агрономия", "21.03.02 Землеустройство и кадастры" диэн бакалавр хайысхаларынан, итиэннэ "35.04.04 Агрономия" хайысхатынан магистратураҕа үрдүк таһымнаах исписэлиистэри бэлэмниир буолуоҕа. Факультекка элбэх хайысхалаах, таһымнаах үөрэтэр-чинчийэр киин базата олохтонуоҕа.
Ордук “Босхо гектар” сокуона ылыллыаҕаыттан, өрөспүүбүлүкэҕэ сир уонна ойуур боппуруоһугар үрдүк таһымнаах исписэлиистэр тиийбэттэрэ көстөн тахсыбыта. Инньэ гынан, бу хайысхаҕа таһымнаах инженердэри бэлэмниир боппуруос күүһүрбүтэ. Саҥа факультет өрөспүүбүлүкэҕэ ойуур комплексыгар, агрономияҕа, сир боппуруостарыгар баар кыһалҕалары туоратарга ылсан үлэлиэҕэ.
