Войти

Войти

Саха сиригэр ааспыт суукка устатыгар 74 саҥа коронавирустаабыт киһи бигэргэннэ, 144 киһи үтүөрэн таҕыста, 2 киһи суорума суолланна. Бу туһунан өрөспүүбүлүкэтээҕи хамсыгы бохсор оперативнай ыстаап иһитиннэрэр.

Дьокуускайга 59 киһи ыалдьыбыт, 5 ыарыһах – Уус Алдаҥҥа, 3 – Хаҥаласка, биирдии киһи Алдан, Амма, Үөһээ Дьааҥы, Бүлүү, Нам, Нерюнгри, Өймөкөөн улуустарыгар ыалдьыбыттара биллибит. Ыалдьыбыт дьон эмтэнэллэр, кинилэрдиин алтыспыт дьону булан изоляцияҕа ыыталлар, анаалыстыыллар. Хоруона хамсыгын кэмигэр Саха сиригэр уопсайа 3891 киһи ыалдьыбыт.

144 киһи толору үтүөрэн таҕыста: 119 киһи Дьокуускайга, 15 – Ленскэйгэ, 5 – Ньурбаҕа, иккилии ыарыһах Мэҥэ Хаҥаласка уонна Нам улууһугар уонна биир киһи Нерюнгрига үтүөрбүттэр. Уопсайа бу кэм устата 2726 киһи үтүөрбүт. Хомойуох иһин, икки киһи бу дьаҥтан күн сириттэн күрэннэ. 29 киһи билигин ыарахан туруктаах сытар. Уопсайа хамсык кэмигэр 29 киһи өллө.

Суукка устата өрөспүүбүлүкэ лабораториялара 2919 анаалыһы оҥорбуттар.

Тарҕат:

Добавить комментарий

Бүтэһик сонуннар