Войти

Войти

“Е-Якутия.ру” (госуслуга портала) саайка туйахтаах кыыл лиссиэнсийэтигэр сайаапканы билигин да тута олороллор. Тутуу болдьоҕо бэс ыйын 30 күнүгэр түмүктэнэр.

Госуслуга порталыгар регистрацияламматах, тус сирэйэ, интэриниэтэ суох дьон сайаапканы кумааҕыга суруйан, Экология министиэристибэтин олохтоох салаатыгар туттарыахтарын сөп.

Сокуон быһыытынан, биир киһи биир улууска кыыл биир көрүҥэр (туундара кыыл табаттыттан уонна саарбаттан ураты) эрэ сайаапканы биэрэрэ көҥүллэнэр. Ол гынан баран, сайаапканы атын-атын улуустарга ыытыахха эмиэ сөп.

Сайаапканы тутуу түмүктэннэҕинэ, Экология министиэристибэтэ лиссиэнсийэ ылар дьон (ылыан баҕалаах) испииһэгин оҥорор. Өскөтүн биир улууска лиссиэнсийэ ылыан баҕалаан киһи бултаныахтаах кыыл ахсааныттан элбэх буоллаҕына, электроннай жеребьевка тэриллэр. Сиһилии министиэристибэ саайтыттан билсиэххэ сөп.

Тарҕат:

Добавить комментарий