Дьокуускайга «Туймаада саллаата» мемориал комплексыгар Аҕа Дойду Улуу сэриитигэр кыттыбыт саха снайперын уобараһын көрдөрөр пааматынньык арылынна.
«Фашист халабырдьыттар уҥуохтара халыр босхо барыар дылы кутталы үөскэппит, тииҥи харахха ытан түһэрэр, үгүс өстөөҕү суоһарбыт саха хорсун, ураты тулуурдаах снайперадара Сэбиэскэй Аармыйа сүрүн дьоруойдарынан буолбуттара. Кинилэр хорсун быһыылара үгүстэргэ холобур буолбуттара. 1942 сыллаахха «Снайпер» диэн түөскэ кэтиллэр бэлиэ баар буолбута, саха сүүһүнэн саллаата ити наҕараадаҕа тиксибитэ», - диэн Айсен Николаев пааматынньык үөрүүлээх аһыллыытын кэмигэр эттэ.
Саҥа пааматынньыгы «Мечел» хампаанньа үбүнэн туруорбуттар. Скульптура Федор Охлопков, Михаил Стрекаловскай, Иван Кульбертинов, Алексей Миронов, Дмитрий Гуляев, Егор Петров уонна да атын кыайыыны уһансыбыт улуу снайпердар уобарастарын көрдөрөр.
