Алмаастаах кыраай киинигэр хаарбак турукаах дьиэ үгүс.
Алмаастаах кыраай киинигэр хаарбах туруктаах дьиэ үгүс.
Мээрийэ быйылгы ааҕыытынан, куораппыт 248 мас дьиэтиттэн 93 сааххалланар туруктаах.
Былырыын 7 элбэх кыбартыыралаах мас дьиэ күрдьүллүбүт буоллаҕына, быйыл бэс ыйын бүтүүтүгэр диэри биир да хаарбах дьиэ көтүрүллэ илик.
Оттон бу хаартыскаҕа көстөр Ойуунускай уулуссатын 24-с нүөмэрдээх, үс подъезтаах дьиэтэ былаан быһыытынан 2020 сыл ахсынньытыгар диэри көтүрүллүөхтээх. Олохтоохтор номнуо хомунан көстүлэр.
«Мииринэй куорат» дьиэ пуондатын муниципальнай тэриллиитэ бу үлэни быhаччы дьаhайар.
Мииринэйгэ саҥа дьиэни тутуу тэтимэ мөлтөх диэн бэлиэтэххэ наада. Билиҥҥи туругунан, биир эрэ дьиэ тутуллар. Онон, күрдьүллэр эргэ дьиэлээхтэртэн үгүстэрэ саҥаҕа санамматтар.
Үс сыллаахтан ылата, дьиэ ыларга уочараттаахтарга анаан мээрийэ куорат олохтоохторуттан (дьиэ иккис ырыынагыттан) кыбартыыра атыылаhыталыыр буолбута. Онно анаан-минээн, былаас уонна хамсаабат баай-дуол салаата кыттыылаах аукционнар ыытыллаллар.Олорго 60-70-с сыллардааҕы эргэ таас дьиэлэр киирсибэттэр эбит.Туордарга электроннай быһыылаахтык сайаапканы биэрэр дьиэлэринэн, 80-с, 90-с, 2000-с сыллардаахха тутуллубут бөдөҥ панеллаахтар буолаллар.
Станислав Алексеев. Мииринэй куорат. Ааптар хаартыскалара.
